သွေးထဲတွင် ဂလူးကို့စ် (သကြားဓာတ်) များပြားစွာ ရှိနေခြင်းကြောင့် ဆီးချိုသွေးချိုရောဂါရှိသူများသည် မလိုလားအပ်သော အနာများဖြစ်လွယ်ပြီး အနာကျက်ရန် ခက်ခဲတတ်သည်။ သွေးတွင်း အချိုဓာတ် မြင့်မားခြင်းများသည် သွေးကြောငယ်များကို ပျက်စီးစေနိုင်ပြီး ပိုလျှံနေသော အချိုဓာတ်ကိုယ်တိုင်က ရောဂါနှင့် ပိုးမွှားများကို တိုက်ဖျက်ပေးသည့် အဓိက စွမ်းအားရှင်များ
ထဲမှ တစ်ခုဖြစ်သော သွေးဖြူဥများ၏ လုပ်ဆောင်နိုင်စွမ်းကို အဟန့်အတား ဖြစ်စေသည်။ ​
သွေးကြောများပျက်စီးခြင်းကြောင့် သွေးလည်ပတ်မှုမကောင်းဘဲဖြစ်ကာ အနာဖြစ်သည့်နေရာသို့ အာဟာရများနှင့် ပိုးမွှားတိုက်ဖျက်သည့် ဆဲလ်များ သွားရောက်နိုင်သည့် လမ်းကြောင်းများ ပိတ်ဆို့သွားပါသည်။ 2 ဤအဆိုးရွားဆုံး အကျိုးသက်ရောက်မှုများကို တန်ပြန်ရန် အသင့်တော်ဆုံးနည်းလမ်းမှာ သွေးတွင်းအချိုဓာတ်ကို ကောင်းမွန်စွာ ထိန်းချုပ်ခြင်း ဖြစ်သည်။ Glycemic Index နည်းသော (သွေးတွင်းအချိုဓာတ်ကို မည်မျှ မြန်မြန် သို့မဟုတ် နှေးနှေး မြင့်တက်စေသည့် အစားအစာအပေါ် အဆင့်သတ်မှတ်ချက်) ကစီဓာတ်များကို စားသုံးခြင်း၊ အရည်အသွေးမြင့်
ပရိုတင်းများ စားသုံးခြင်းနှင့် ဆီးချိုသွေးချိုရောဂါရှိသူများအတွက် အထူးထုတ်လုပ်ထားသည့် အာဟာရဖြည့်စွက်စာများဖြင့်ထောက်ပံ့ပေးခြင်း  (ဥပမာ- ဆီးချိုသွေးချိုရောဂါအတွက် Glucerna) ကို မှီဝဲခြင်းတို့က ဆီးချိုကြောင့်ဖြစ်သော အနာများကို ကာကွယ်ရန်နှင့် သွေးတွင်းအချိုဓာတ်ကို ထိန်းချုပ်ရန် ကူညီပေးနိုင်ပါသည်။ ^{1, 6}

သွေးတွင်းအချိုဓာတ်ထိန်းညှိခြင်း ဆိုသည်မှာ အဘယ်နည်း

သွေးတွင်းအချိုဓာတ် ထိန်းညှိခြင်း၏ ရည်ရွယ်ချက်မှာ သွေးတွင်းသကြားဓာတ် မြင့်မားခြင်းနှင့် သက်ဆိုင်သော လက္ခဏာများ (ဥပမာ- မောပန်းနွမ်းနယ်ခြင်း၊ ရေငတ်ခြင်း၊ နှလုံးရောဂါ၊ မှတ်ဉာဏ်ထိခိုက်ခြင်း၊ စိတ်ကျရောဂါ) ကို လျှော့ချရန် ဖြစ်ပါသည်။^{1, 3} သွေးတွင်းအချိုဓာတ်ကို ကောင်းမွန်စွာ ထိန်းညှိနိုင်သည့် ဆီးချိုသွေးချိုရောဂါရှိသူတစ်ဦး၏ ပျမ်းမျှ အစာမစားမီ
သွေးတွင်းအချိုဓာတ်သည် ၈၀ – ၁၃၀ mg/dL ရှိသင့်ပါသည်။⁵ ထိန်းညှိမှုသည် တစ်နေ့တာ၏ အစားအစာတစ်နပ်တည်းအတွက် သီးသန့်မဟုတ်သလို အစားအစာ လုပ်ငန်းစဉ်တစ်ခုလုံးအတွက် အစားအစာတစ်ခုစီ၏ GI တန်ဖိုး၊ နေ့စဉ်ကယ်လိုရီစားသုံးမှုပမာဏ၊ အပတ်စဉ် စားသောက်မှု အစီအစဉ်၊ ကိုယ်လက်လှုပ်ရှားမှု ပုံမှန်ပြုလုပ်ခြင်းတို့ကို သိရှိရန် လိုအပ်ပြီး၊ တစ်ချိန်တည်းမှာပင် သွေးတွင်းအချိုဓာတ် အလွန်အမင်း မကျဆင်းစေရန် သေချာဂရုစိုက်ရပါသည်။ ခန္ဓာကိုယ်တွင်း မည်သည့်လုပ်ဆောင်ချက်မဆို၊ အထူးသဖြင့် အနာကျက်ခြင်းအတွက် စွမ်းအင်လိုအပ်သောကြောင့် မှန်ကန်သော ကစီဓာတ်များကို ရွေးချယ်ခြင်းသည် အရေးကြီးပါသည်။ သွေးတွင်းအချိုဓာတ်ကို ဖြည်းဖြည်းချင်း ထုတ်လွှတ်သော သို့မဟုတ် ဖြည်းဖြည်းချင်း အစာချေဖျက်ပေးသော ကစီဓာတ်များမှာ အုတ်ဂျုံ၊ ဂျုံလုံး၊ ပဲ၊ သစ်တော်သီး၊ လိမ္မော်သီး၊ ပန်းသီးနှင့် ကစီဓာတ်မပါသော ဟင်းသီးဟင်းရွက်များဖြစ်သည့် ပန်းပွင့်စိမ်း၊ ပန်းဂေါ်ဖီနှင့် ကညွတ် စသည်တို့ဖြစ်သည်။^1,3

ပရိုတင်းဓာတ် မည်သို့အကျိုးပြုပုံ

ပရိုတင်းများသည် တစ်ရှူးများ ကြီးထွားခြင်းနှင့် ပြန်လည်ဖြစ်ပေါ်ခြင်းအတွက် မရှိမဖြစ်ဖြစ်ပြီး အနာကျက်ခြင်းနှင့် ကာကွယ်ခြင်းအတွက် အရေးကြီးပါသည်။ စားသုံးလိုက်သော ပရိုတင်းများ ပြိုကွဲသောအခါ အမိုင်နိုအက်ဆစ်များ ထွက်လာပြီး ၎င်းတို့ထဲမှ အာဂျီနင်း နှင့် ဂလူးတာမင်း  ဟုခေါ်တွင်သော နှစ်မျိုးသည် လိုအပ်သောဆဲလ်များ ၎င်းတို့၏အလုပ်ကို လုပ်ဆောင်နိုင်ရန် စွမ်းအင်ကို ပေးပါသည်။ လုံလောက်စွာ စားသုံးမှုမရှိပါက ခန္ဓာကိုယ်တွင်း ကြွက်သားများနှင့် ကိုယ်တွင်းအင်္ဂါများရှိ သိုလှောင်ထားသည့် ပရိုတင်းများကို ဆွဲထုတ်သုံးစွဲသောကြောင့် အနာကျက်ခြင်းနှင့် ပြန်လည်ကောင်းမွန်လာခြင်းကို နှောင့်နှေးစေပါသည်။ ပရိုတင်းကို တိရစ္ဆာန်ထွက်ပစ္စည်းများ (ဥပမာ- ငါး၊ ကြက်သား၊ ကြက်ဥ၊ နို့ထွက်ပစ္စည်းများ) နှင့် သက်သတ်လွတ် အရင်းအမြစ်များ (ဥပမာ- ပဲပိစပ်၊ အခြားသော ပဲအမျိုးမျိုး၊ အခွံမာသီး၊ အစေ့များ၊ အုတ်ဂျုံများ၊ အစိမ်းရင့်ရောင် ဟင်းသီးဟင်းရွက်များ) နှစ်မျိုးလုံးမှ ရယူရန် အကောင်းဆုံး ဖြစ်ပါသည်။ 

သတိပြုသင့်သော အရေးကြီး အဓိက အာဟာရဓာတ်များ

အကောင်းဆုံးအနာကျက်ခြင်းကို ကူညီ‌ထိန်းသိမ်းရန်အတွက် ဆီးချိုသွေးချိုရောဂါရှိသူတစ်ဦးသည် ဗီတာမင် အေ၊ ဒီ၊ အီး၊ ကေ၊ ဘီ၊ စီ၊ ပိုတက်စီယမ်၊ ဖော့စဖောရပ်စ်၊ ဇင့်၊ ဆီလီနီယမ်၊ သံဓာတ်တို့ကိုကြွယ်ဝစွာလိုအပ်ပါသည်။ဤအာဟာရဓာတ်များအတွက်အကောင်းဆုံးအစားအစာအရင်းအမြစ်များမှာကောက်ပဲသီးနှံ အများစု၊ အမဲအသည်း၊ ကြက်ဥနှင့် မှိုအချို့တို့တွင် ပါဝင်သည်။¹ ဤအာဟာရဓာတ်များကို ပိုမိုထိရောက်စွာ စုပ်ယူခြင်းကိုမြှင့်တင်ရန်အတွက် ခန္ဓာကိုယ်သည် ကျန်းမာရေးနှင့်ညီညွတ်သောအဆီများအဖြစ် သိထားကြသည့် ကျန်းမာရေးနှင့်ညီညွတ်သောအိုမီဂါ-၃ နှင့် အိုမီဂါ-၆ ဖက်တီးအက်ဆစ်များလည်းပဲ လိုအပ်ပါသည်။ ၎င်းတို့အတွက် အကောင်းဆုံး အရင်းအမြစ်များမှာ ပင်လယ်ငါး၊ ထောပတ်သီး၊ အခွံမာသီးနှင့် နေကြာစေ့ကဲ့သို့သော သဘာဝအဆီကြွယ်ဝသည့် အစေ့များတို့ ဖြစ်ပါသည်။ ဤအာဟာရဓာတ်များ အားလုံး စုပေါင်းလုပ်ဆောင်ခြင်းသည် ကော်လာဂျင် ထုတ်လွှတ်မှု လှုံ့ဆော်ပေးခြင်း၊ သွေးစီးဆင်းမှုကို ကန့်သတ်သော ရောင်ရမ်းမှုကို လျှော့ချပေးခြင်းတို့ဖြင့် ဆဲလ်များ ပြန်လည်ပြုပြင်ရန်အတွက် ကိုယ်ခံအားစနစ် လုပ်ဆောင်ချက်ကို လွယ်ကူချောမွေ့စေပါသည်။^{4, 5}

ဆီးချိုသွေးချိုရောဂါရှိသူတစ်ဦးအတွက် အနာကာကွယ်ခြင်းနှင့် အနာကျက်ခြင်းသည် ၎င်းတို့၏ သွေးတွင်းအချိုဓာတ် ထိန်းညှိမှုအပေါ် များစွာမူတည်ပါသည်။ ၎င်းအတွက် အကောင်းဆုံး
နည်းလမ်းမှာ GI နည်းသော အစားအစာများ၊ ဖြည်းဖြည်းချင်း ထုတ်လွှတ်သော ကစီဓာတ်များ၊ အရည်အသွေးမြင့် ပရိုတင်းများအပြင် ကိုယ်လက်လှုပ်ရှားမှု အချို့ကိုပါ ပြုလုပ်ခြင်းပင် ဖြစ်သည်။ သို့သော် လူကြီးများနှင့် လုံလောက်သော ပရိုတင်းဓာတ် မရရှိနိုင်သူများအတွက်မူ မည်သို့ပြုလုပ်ကြမည်နည်း။ ဤသည်မှာ အမေရိကန်ပြည်ထောင်စုတွင် ဆရာဝန်များ ညွှန်းဆိုသည့် နံပါတ် ၁ ဆီးချိုသွေးချို အာဟာရဖော်မြူလာဖြစ်သော Glucerna ကဲ့သို့သော ဆီးချိုသွေးချိုရောဂါအတွက် အထူးထုတ်လုပ်ထားသည့် ပါးစပ်မှသောက်သုံးရသော အာဟာရဖြည့်စွက်စာများ ဝင်ရောက်လာသည့် အခန်းကဏ္ဍ ဖြစ်ပါသည်။ နှစ်ပေါင်းများစွာကြာ လက်တွေ့လေ့လာစမ်းသပ်မှုပေါင်း ၅၀ ကျော်၏ ကျောထောက်နောက်ခံဖြင့် Glucerna သည် ပိုမိုကောင်းမွန်သော သွေးတွင်းအချိုဓာတ်ထိန်းညှိမှုအတွက် တမူထူးခြားကောင်းမွန်သည့် အဆင့်မြင့်ကစီဓာတ်များ Advanced Carbohydrates^ ကို တီထွင်ထုတ်လုပ်ထားပါသည်။ ထို့အပြင် အင်ဆူလင် တုံ့ပြန်နိုင်စွမ်းကို တိုးမြှင့်ပေးသည့် အထိရောက်ဆုံး ကစီဓာတ်ဖြစ်သော Myo-inositol^ ၄ ဆ ပိုမိုပါဝင်ခြင်းကြောင့် Glucerna သည် ၄ ပတ်အတွင်း သွေးတွင်းအချိုဓာတ်ကို ထိန်းညှိရန် ကူညီနိုင်ပါသည်။^+#  ဗီတာမင် ဘီ၊ စီ ကဲ့သို့သော မရှိမဖြစ် လိုအပ်သည့် ဗီတာမင်နှင့် သတ္တုဓာတ် ၂၈ မျိုးနှင့်အတူ
အိုမီဂါ - ၃၊ ၆၊ ၉ နှင့် အရည်အသွေးမြင့် ပရိုတင်းတို့ပါဝင်သည့်  Glucerna က ဆီးချိုသွေးချို
ရောဂါရှိသူတစ်ဦး၏ အလုံးစုံကျန်းမာရေးအတွက် အထောက်အကူ ဖြစ်စေပါသည်။ ကျန်းမာသော နှလုံးဆိုသည်မှာ အောက်စီဂျင်နှင့် အာဟာရဖြန့်ဖြူးမှုအတွက်
သွေးလည်ပတ်မှုကို ကောင်းမွန် စေပြီး ရောင်ရမ်းမှုကို လျော့ကျစေကာ ကိုယ်ခံစွမ်းအားကို
ကောင်းစွာထိန်းသိမ်းပေးနိုင်ပါသည်။

ကိုးကားချက်များ

1.  https://ade.adea.com.au/nutrition-in-wound-healing-for-adults-with-diabetes-a-practice-update/#:~:text=A%20meal%20plan%20with%2040,thus%20vital%20for%20wound%20healing.
2.  https://www.apcofamerica.com/low-blood-flow-poor-circulation-diabetes/#:~:text=Diabetes%20can%20lead%20to%20poor,blood%20vessels%2C%20impeding%20your%20circulation.
3.  https://www.hmpgloballearningnetwork.com/site/twc/articles/diabetic-wound-healing-through-nutrition-and-glycemic-control
4.  https://onlinelibrary.wiley.com/doi/full/10.1111/dme.12509
5.  https://bmcendocrdisord.biomedcentral.com/articles/10.1186/s12902-019-0421-0
6.  https://abbottfamily.com.sg/products/page/glucerna-triple-care

ထပ်ဆောင်းဖတ်ရှုစရာများ

1.  https://www.ncbi.nlm.nih.gov/pmc/articles/PMC6349287/
2.  https://pubmed.ncbi.nlm.nih.gov/24053007/

^ Jenkins – 1982 
+ Peng et al. 2019.

~  “IQVIA, using the ProVoice Survey, fielded to 12,854 physicians from December 2023 through November 2024 and recorded the OTC product recommended most often in the Diabetic Nutrition Supplement category, has validated the following claim at a 99% confidence level.” 

MMR.2025.67085.GLU.1 (v1.0)