စည်းကမ်းနှင့်သတ်မှတ်ချက်များ

စည်းကမ်းနှင့်သတ်မှတ်ချက်များ 

(၂၀၂၅ ခုနှစ်၊ အောက်တိုဘာလအထိ အတည်ပြုပြဌာန်းထားသော ပြည်ထောင်စုသမ္မတ မြန်မာနိုင်ငံတော် တည်ဆဲဥပဒေများနှင့်အညီ ပြင်ဆင်ထားသည်။)

ဤအွန်လိုင်းအသုံးပြုမှုဆိုင်ရာ စည်းကမ်းချက်များသည် Abbott Laboratories ၏ ထိန်းချုပ်မှုအောက်ရှိ ဝက်ဘ်ဆိုက်များ (၎င်း၏ လက်အောက်ခံ ကုမ္ပဏီများနှင့် မိတ်ဖက် ကုမ္ပဏီများအပါအဝင်၊ အားလုံးကို “Abbott” ဟု ရည်ညွှန်းသည်) သို့ သင် ဝင်ရောက်အသုံးပြုခြင်းနှင့် သက်ဆိုင်ပါသည်။ ဤစည်းကမ်းချက်များသည် ဤအွန်လိုင်း အသုံးပြုမှုဆိုင်ရာ စည်းကမ်းချက်များ နှင့် ချိတ်ဆက်ထားသော ဝက်ဘ်ဆိုက်များ (အားလုံးကို “Abbott ဝက်ဘ်ဆိုက်များ” ဟု ရည်ညွှန်းသည်) နှင့် သက်ဆိုင်ပါသည်။
ဤအွန်လိုင်း အသုံးပြုမှုဆိုင်ရာ စည်းကမ်းချက်များသည် ဤစည်းကမ်းချက်များနှင့် ချိတ်ဆက်ထားခြင်းမရှိသော Abbott ဝက်ဘ်ဆိုက်များ၊ အမေရိကန်ပြည်ထောင်စုတွင် နေထိုင်သူများ သို့မဟုတ် Abbott ဝက်ဘ်ဆိုက်များမှ ချိတ်ဆက်နိုင်သည့် ပြင်ပအဖွဲ့အစည်း ဝက်ဘ်ဆိုက်များ နှင့် သက်ဆိုင်ခြင်း ရှိမည်မဟုတ်ပါ။ သင်၏ Abbott
ဝက်ဘ်ဆိုက်များ အသုံးပြုမှုသည် ဤအွန်လိုင်းအသုံးပြုမှုဆိုင်ရာ စည်းကမ်းချက်များနှင့် ကိုယ်ရေးကိုယ်တာ လုံခြုံမှုဆိုင်ရာမူဝါဒ (Privacy Policy) တို့၏
စည်းကမ်းချက်များအတွင်းတွင် ရှိပါသည်။

သက်ဆိုင်ရာ ဥပဒေအောက်ရှိ သင်၏ အခွင့်အရေးများကို မထိခိုက်စေဘဲ Abbott သည် နည်းပညာ တိုးတက်မှုများ၊ ဥပဒေနှင့် စည်းမျဉ်းများဆိုင်ရာ ပြောင်းလဲမှုများနှင့် ကောင်းမွန်သော စီးပွားရေး လုပ်ထုံးလုပ်နည်းများကို ထင်ဟပ်စေရန် ဤအွန်လိုင်းအသုံးပြုမှုဆိုင်ရာ စည်းကမ်းချက်များကို ပြင်ဆင်ရန် အခွင့်အရေးရှိမည်ဖြစ်သည်။ Abbott သည် ဤအွန်လိုင်းအသုံးပြုမှုဆိုင်ရာ စည်းကမ်းချက်များကို ပြောင်းလဲပါက၊ နောက်ဆုံးပေါ် ပြင်ဆင်ထားသော ဗားရှင်းတွင် ထိုပြောင်းလဲမှုများကို ဖော်ပြမည်ဖြစ်ပြီး၊ ဤအွန်လိုင်း အသုံးပြုမှု စည်းကမ်းချက်များ၏ ထိပ်တွင် အတည်ပြုသည့်နေ့စွဲ (effective date) ကို ပြင်ဆင်တင်ပြခြင်းဖြင့် ထိုသို့သော ပြောင်းလဲမှုများကို သင့်အား အသိပေးမည်ဖြစ်ပါသည်။ Abbott ဝက်ဘ်ဆိုက်များကို ဝင်ရောက်အသုံးပြုခြင်းဖြင့် သင်သည် ဤအွန်လိုင်းအသုံးပြုမှုဆိုင်ရာ စည်းကမ်းချက်များ၏ လက်ရှိဗားရှင်းကို ဖတ်ရှု၊ နားလည်ပြီး၊ လိုက်နာရန် သဘောတူကြောင်း သဘောတူသည်ဟုမှတ်ယူပါသည်။ အကယ်၍ သင်သည် ဤအွန်လိုင်း အသုံးပြုမှု စည်းကမ်းချက်များကို သဘောမတူပါက၊ သို့မဟုတ် Abbott ဝက်ဘ်ဆိုက်များအပေါ်  စိတ်ကျေနပ်မှုတစုံတရာ မရှိပါက၊ သင့်အတွက် တစ်ခုတည်းသော သီးသန့်လုပ်ဆောင်နိုင်မှုမှာ Abbott ဝက်ဘ်ဆိုက်များကို ဆက်လက် အသုံးပြုခြင်းအား ရပ်ဆိုင်းရန် ဖြစ်ပါသည်။

ဤအရာကို သိရှိသဘောပေါက် လက်ခံသည် –

• Abbott ဝက်ဘ်ဆိုက်များကို အသုံးပြုခြင်းအားဖြင့်၊ Abbott ဝက်ဘ်ဆိုက်များ သို့မဟုတ် ဆာဗာများပေါ်တွင် တင်ထားသော အီလက်ထရောနစ်ဆိုင်ရာ အချက်အလက်များကို အနှောင့်အယှက်ပြုခြင်း သို့မဟုတ် ကြားဖြတ်ယူခြင်း မပြုရန် သဘောတူပါသည်။ Abbott ဝက်ဘ်ဆိုက်၏ လုံခြုံရေးအချက်အလက်များအား ရှောင်ရှားမှုကို မကြိုးပမ်းရန်နှင့် အခြားသော သက်ဆိုင်သည့် ဒေသဆိုင်ရာ၊ ပြည်နယ်၊ ဖက်ဒရယ်နှင့် နိုင်ငံတကာဥပဒေများ နှင့် စည်းမျဉ်းစည်းကမ်း အား လိုက်နာရန်လည်း သဘောတူပါသည်။
• Abbott Laboratories အနေဖြင့် ယခု ဝက်ဘ်ဆိုက်တွင် တင်သော အချက်အလက်နှင့် အကြောင်းအရာများ ပတ်သက်ပြီး တာဝန်ယူ အာမခံမည် မဟုတ်ပါ။ Abbott Laboratories အနေဖြင့် မည်သည့် မှတ်ချက်များ နှင့် အမျိုးမျိုးသောအာမခံချက်များ (ကန့်သတ်ချက်မရှိသော ကုန်သွယ်မှုဆိုင်ရာ အာမခံချက်၊ အခြားသော ရည်ရွယ်ချက်များအတွက်လုပ်ဆောင်မှု ၊မူပိုင်ခွင့်၊ မချိုးဖောက်မှုဆိုင်ရာ အာမခံချက်များ အပါအဝင်) ကိုမဆို စကားလုံးဖြင့်ဖြစ်စေ၊ ပုံသဏ္ဌာန်ဖြင့်ဖြစ်စေ သို့မဟုတ် မည်သည့် ဥပဒေ၊ စာချုပ် သို့မဟုတ် အခြားနည်းလမ်းနှင့် လိုက်လျောညီထွေရှိစေရန်ဖြစ်စေ တာဝန်ယူမှုအပိုင်းကို ငြင်းဆိုခွင့်ရှိသည်။
  Abbott Laboratories သည် ဖြစ်ပေါ်လာနိုင်သော ပျက်စီးဆုံးရှုံးမှုကို အကြံပေးထားသည်ဖြစ်စေ မပေးထားသည်ဖြစ်စေ၊ ဝက်ဘ်ဆိုက်၊ အင်တာနက် နှင့်/
  သို့မဟုတ် ဤဝက်ဘ်ဆိုက်ပေါ်တွင် တင်ထားသော အချက်အလက် သို့မဟုတ် အကြောင်းအရာများ၏ တည်ရှိမှု သို့မဟုတ် အသုံးပြုမှုကြောင့် သို့မဟုတ်
  ယင်းတို့နှင့် စပ်လျဉ်း၍ ဖြစ်ပေါ်လာသော တိုက်ရိုက်၊ သွယ်ဝိုက်သော၊ အထူးအကျိုးဆက်များကြောင့် ဖြစ်ပေါ်လာသော (အမြတ်အစွန်းဆုံးရှုံးမှု အပါအဝင်)
  ပျက်စီးဆုံးရှုံးမှုများ သို့မဟုတ် မတော်တဆ ထိခိုက်မှုများ အပါအဝင် မည်သည့် ပျက်စီးဆုံးရှုံးမှုများ အတွက်ကိုမျှ တာဝန်ယူမည် မဟုတ်ပါ။

Abbott သည် ဤဝက်ဘ်ဆိုက်ပေါ်တွင် တင်ထားသော အသုံးပြုသူမှ ဖန်တီးထားသည့် မည်သည့် အကြောင်းအရာကိုမျှ ထောက်ခံခြင်း သို့မဟုတ် စစ်ဆေးခြင်း မပြုပါ။ ထိုအကြောင်းအရာများသည် တစ်ဦးချင်း အသုံးပြုသူများ၏ ထင်မြင်ယူဆချက်များသာ ဖြစ်ပြီး Abbott နှင့်သက်ဆိုင်ခြင်း မရှိပါ။ထိုအကြောင်းအရာများကို ယုံကြည်ကိုးစားခြင်းမှ ပေါ်ပေါက်လာသော ဆုံးရှုံးမှု သို့မဟုတ် ပျက်စီးမှု တစ်စုံတစ်ရာအတွက် မြန်မာနိုင်ငံ တည်ဆဲဥပဒေများက ခွင့်ပြုထားသော အမြင့်ဆုံး အတိုင်းအတာအထိ Abbott တွင် အလုံးစုံ တာဝန်ရှိမည်မဟုတ်ပါ။ 

• ဤဝက်ဘ်ဆိုက်တွင် Abbott ၏ နောင်တွင် ဖြစ်နိုင်ခြေရှိမှုများ နှင့် စီးပွားရေး ဖွံ့ဖြိုးတိုးတက်မှုများ အပေါ် ထင်ဟပ်သည့် အနာဂတ်မျှော်မှန်းချက်များဆိုင်ရာ
  ထုတ်ပြန်ချက်များပါဝင်နိုင်သည်။ အနာဂတ်မျှော်မှန်းချက်ဆိုင်ရာ ထုတ်ပြန်ချက်များတွင် စွန့်စားရနိုင်ခြေများနှင့် မသေချာမရေရာမှုများ ပါဝင်နေပြီး၊ ဆက်လက်လုပ်ဆောင်နေဆဲ သုတေသနအောင်မြင်မှု၊ ဆေးဘက်ဆိုင်ရာ လက်တွေ့စမ်းသပ်မှုရလဒ်များ၊ စည်းမျဉ်းစည်းကမ်းဆိုင်ရာ ခွင့်ပြုချက်များနှင့် ဈေးကွက်အခြေအနေများ အပါအဝင် (သို့သော် ယင်းတို့တွင်သာ ကန့်သတ်ထားခြင်းမရှိသော) အကြောင်းရင်းအချက်အလက် အမျိုးမျိုးတို့အပေါ် မူတည်၍ လက်တွေ့ရလဒ်များသည် မျှော်မှန်းထားသည်များနှင့် သိသိသာသာ ကွဲလွဲသွားစေနိုင်ပါသည်။

အောက်ပါအကြောင်းအရာများကို နားလည်သဘောပေါက် သဘောတူညီမှု ရရှိပြီးဖြစ်သည်။

• Abbott ဝက်ဘ်ဆိုက်များကို အသုံးပြုခြင်းအားဖြင့်၊ Abbott ဝက်ဘ်ဆိုက်များ သို့မဟုတ် ဆာဗာများပေါ်တွင် တင်ထားသော အီလက်ထရောနစ်ဆိုင်ရာ အချက်အလက်များကို ဖျက်ဆီးမှုမပြုရန် နှင့် အနှောင့်အယှက်မပြုရန် သဘောတူပါသည်။ Abbott ဝက်ဘ်ဆိုက်၏ လုံခြုံရေးအချက်အလက်များအား ရယူကြိုးပမ်းမှုမပြုလုပ်ရန်နှင့် တခြား သက်ဆိုင်သည့် ပြည်တွင်း၊ ပြည်နယ်၊ ဖက်ဒရယ်နှင့် နိုင်ငံတကာဥပဒေများ နှင့် စည်းမျဉ်းစည်းကမ်းအား လိုက်နာရန်လည်း သဘောတူပါသည်။
• သင်သည် ဤဝက်ဘ်ဆိုက်သို့ သင်တင်ပြသော သို့မဟုတ် ပေးပို့သော အကြောင်းအရာများအားလုံးကို ကူးယူခြင်း၊ ပြသခြင်း၊ ဆောင်ရွက်ခြင်း၊ ထုတ်ဝေခြင်း သို့မဟုတ် အခြား အကြောင်းအရာများနှင့် ပေါင်းစပ်ခြင်းတို့ အပါအဝင် ကန့်သတ်ချက်မရှိဘဲ Abbott မှ ရွေးချယ်သော မည်သည့် ပုံစံဖြင့်မဆို၊ စည်းကမ်းချက်များနှင့် Abbott ၏ ကိုယ်ရေးကိုယ်တာ လုံခြုံမှုဆိုင်ရာမူဝါဒ နှင့်အညီ အသုံးပြုရန်အတွက် Abbott အား ထိုအခွင့်အရေး ပေးအပ်ပါသည်။
• Abbott မှ ကြိုတင်သဘောတူပြီး အခြားနည်းဖြင့် ဖော်ပြထားခြင်း မရှိပါက၊ Abbott ထံသို့ ပေးပို့သော မည်သည့် ဆက်သွယ်မှုမျိုးကိုမဆို (ဥပမာ- တုံ့ပြန်ချက်၊ မေးခွန်းများ သို့မဟုတ် အကြံဉာဏ်များ) ကိုယ်ရေးကိုယ်တာ အချက်အလက် မဟုတ်ပါက လျှို့ဝှက်မှုအဖြစ် သဘောထားမည် မဟုတ်ပါ။ Abbott သည်
  ထိုအချက်အလက်များကို သုတေသနဆိုင်ရာ၊ ဖွံ့ဖြိုးတိုးတက်မှုဆိုင်ရာ၊ ထုတ်လုပ်မှုနှင့် စျေးကွက်ရှာဖွေရေး အပါအဝင် မည်သည့် ရည်ရွယ်ချက်အတွက်မဆို
  ပြန်လည်ထုတ်လုပ်ခြင်း၊ ထုတ်ဝေခြင်း သို့မဟုတ် အသုံးပြုခြင်း ပြုလုပ်နိုင်သည်။ Abbott သည် ထိုသို့သော အချက်အလက်များ၏ တိကျမှု
  သို့မဟုတ် ပိုင်ဆိုင်မှု အတွက် တာဝန်ယူမှု ရှိမည်မဟုတ်ပါ။

Abbott သည် သင့်၏ ကိုယ်ရေးအချက်အလက်များကို ၎င်းတို့ ကောက်ယူရရှိခဲ့သည့် ရည်ရွယ်ချက်များ ပြည့်မီရန် လိုအပ်သည့် အချိန်ကာလအထိ သို့မဟုတ် မြန်မာနိုင်ငံ တည်ဆဲဥပဒေများ၊ ဥပမာအားဖြင့် အီလက်ထရောနစ် ဆက်သွယ်ဆောင်ရွက်ရေးဥပဒေ (Electronic Transactions Law) နှင့် ဆိုက်ဘာလုံခြုံရေးဥပဒေ (Cybersecurity Law 2025) အပါအဝင် သက်ဆိုင်ရာ ဥပဒေများအရ လိုအပ်သည့် အချိန်ကာလတစ်ခုအထိသာ ထိန်းသိမ်းထားရှိမည်ဖြစ်သည်။ Abbott သည် သင့်အချက်အလက်များ လုံခြုံစွာ သိမ်းဆည်းထားမှု၊ ဝင်ရောက်အသုံးပြုမှုနှင့် ဖျက်သိမ်းမှုတို့ကို အာမခံနိုင်ရန် သင့်လျော်သော နည်းပညာပိုင်းဆိုင်ရာနှင့် စီမံခန့်ခွဲရေးဆိုင်ရာ အစီအမံများကို အကောင်အထည်ဖော် ဆောင်ရွက်လျက်ရှိပါသည်။ ထိန်းသိမ်းကာလ (retention period) ကျော်လွန်သည့်အခါ၊ ဥပဒေအရ သို့မဟုတ် စည်းကမ်းထိန်းသိမ်းရေး အာဏာပိုင်အဖွဲ့အစည်းမှ အခြားနည်းလမ်းဖြင့် လိုအပ်ခြင်းမရှိပါက၊ သင့်အချက်အလက်များကို လုံခြုံစွာ ဖျက်ပစ်ခြင်း သို့မဟုတ် မည်သူဖြစ်သည်ကို ဖော်ထုတ်မရနိုင်အောင် အမည်ဝှက်ထားခြင်းအားဖြင့် ပြုလုပ်ဆောင်ရွက်သွားမည် ဖြစ်သည်။

သင့်တွင် သင်၏ ကိုယ်ရေးအချက်အလက်များအား ဝင်ရောက်ကြည့်ရှုရန် တောင်းဆိုခွင့်၊ ပြင်ဆင်ရန် တောင်းဆိုခွင့် သို့မဟုတ် ဖျက်သိမ်းရန် တောင်းဆိုခွင့် ရှိပါသည်။
ဤအခွင့်အရေးများကို အသုံးပြုရန်အတွက် ကျွန်ုပ်တို့၏ DG-MYM-Enquiry@abbott.com သို့ ဆက်သွယ်နိုင်ပါသည်။

• ဤဝက်ဘ်ဆိုက်ကို အသုံးပြုခြင်းနှင့် ကိုယ်ရေးအချက်အလက်တစ်စုံတစ်ရာကို တင်ပြခြင်းဖြင့်၊ ထိုအချက်အလက်များကို ဤအသုံးပြုမှုဆိုင်ရာ စည်းမျဉ်းစည်းကမ်းများ (Terms of Use) တွင် ကိုးကားထည့်သွင်းထားသော Abbott ၏ ကိုယ်ရေးကိုယ်တာလုံခြုံမှုဆိုင်ရာမူဝါဒ (Privacy Policy) နှင့်အညီ စုဆောင်း၊ လုပ်ဆောင်၊ သိမ်းဆည်းမည်ဖြစ်ပြီး မျှဝေခြင်းပြုမည်ကို သင်သည် အသိအမှတ်ပြု သဘောတူပါသည်။ Abbott ၏ ကိုယ်ရေးကိုယ်တာလုံခြုံမှုဆိုင်ရာမူဝါဒသည် မြန်မာနိုင်ငံ၏ ဆိုက်ဘာလုံခြုံရေးဥပဒေ၊ ပြင်ဆင်ထားသည့် အီလက်ထရောနစ် ဆက်သွယ်ဆောင်ရွက်ရေးဥပဒေနှင့် အခြားသက်ဆိုင်ရာ သတင်းအချက်အလက်ကာကွယ်ရေး စည်းမျဉ်းများအရ လိုက်နာဆောင်ရွက် ထားရှိပါသည်။

ဖော်ပြထားခြင်းမရှိသော ထုတ်ကုန်များ၏ ထုတ်ကုန်အမည်၊ ဖော်ပြချက်နှင့် တံဆိပ်တပ်ခြင်းတို့မှာ US မူရင်း ဖြစ်သည်။ ထုတ်ကုန်ပစ္စည်းတိုင်းသည် နိုင်ငံတိုင်းတွင် မရနိုင်ပါ သို့မဟုတ် အခြားကွဲပြားသော ကုန်အမှတ်တံဆိပ်အောက်တွင် ရရှိနိုင်သည်။ ဆေးညွှန်း လိုအပ်ချက်များသည် နိုင်ငံအလိုက် ကွဲပြားနိုင်ပါသည်။ Abbott သည် ၎င်း၏ ကိုယ်စားလှယ်များနှင့် တွဲဖက်ကုမ္ပဏီများအား ဤဝက်ဘ်ဆိုက်မှတစ်ဆင့် ဆေးဘက်ဆိုင်ရာ အကြံဉာဏ်၊ ရောဂါရှာဖွေခြင်း သို့မဟုတ် ကုသမှုပေးခြင်းမှ တားမြစ်ထားပါသည်။ 

ယခု ဝက်ဘ်ဆိုက်ပေါ်ရှိ အချက်အလက်၊ စာရွက်စာတမ်းများနှင့် ဆက်စပ်ရုပ်ပုံများ အားလုံး ("အချက်အလက်" ဟု ရည်ညွှန်းသည်)သည် စာချုပ်အရ ပံ့ပိုးထားသော အခြားပုဂ္ဂိုလ်နှင့် ဆိုင်ရာအဖွဲ့အစည်း သို့မဟုတ် လက်အောက်ခံ အဖွဲ့အစည်းများ၏ အချက်အလက်များမှအပ Abbott Laboratories ၏ ပိုင်ဆိုင်မှုသာ ဖြစ်သည်။

ထိုကဲ့သို့သော အချက်အလက်များကို အောက်ပါ အခြေအနေများ ပြည့်မီမှသာလျှင် သင်အသုံးပြုနိုင်သည်- 

၁။ မူပိုင်ခွင့် အသိပေးစာများသည် မိတ္တူများအားလုံးတွင် ပါရှိရမည်။ 

၂။ အသုံးပြုမှုသည် စီးပွားဖြစ် အသုံးပြုခြင်းမျိုးမဟုတ်ဘဲ သတင်းအချက်အလက်ပိုင်းဆိုင်ရာနှင့် ကိုယ်ရေးကိုယ်တာဆိုင်ရာ အသုံးပြုခြင်းအတွက်သာ ဖြစ်ရမည်။ 

၃။ အဆိုပါ အချက်အလက်ကို မွမ်းမံပြင်ဆင်ခြင်း မပြုရ။ 

၄။ ရုပ်ပုံများကို တွဲဖက်ပါရှိသည့် စာသားမှ သီးခြားခွဲ၍ အသုံးပြုခြင်း မပြုရ။ Abbott သည် မည်သည့် မူပိုင်ခွင့်၊ ကုန်အမှတ်တံဆိပ် သို့မဟုတ် ပိုင်ဆိုင်မှု
အခွင့်အရေးအရမဆို လိုင်စင် သို့မဟုတ် အခွင့်အရေးကိုမျှ ခွင့်ပြုမည် မဟုတ်ပါ။

သင်၏ မူပိုင်ခွင့်ရရှိထားသော လုပ်ငန်းအား ဤဝက်ဘ်ဆိုက်တွင် ချိုးဖောက်ခံရသည်ဟု ယူဆပါက သင်သည် သင်မည်သူမည်ဝါဖြစ်ကြောင်း ဖော်ထုတ်နိုင်သောအချက်အလက်များ၊ စွပ်စွဲချိုးဖောက်ခံရသည့် အကြောင်းအရာနှင့် သဘောထားထုတ်ပြန်ချက်များ အပါအဝင် လိုအပ်သော အချက်အလက်များအားလုံးကို ထည့်သွင်း၍ Abbott သို့ စာဖြင့် အကြောင်းကြားနိုင်သည်။  Abbott အနေဖြင့် မြန်မာနိုင်ငံ၏ တည်ဆဲ ဥပဒေများနှင့်အညီ စုံစမ်းစစ်ဆေး၍ အရေးယူဆောင်ရွက်သွားမည်ဖြစ်သည်။ ထိုသို့ ဆောင်ရွက်နိုင်ရန်  သင်သည် မူပိုင်ခွင့်ကြီးကြပ်သူထံသို့ အောက်ပါအတိုင်း စာဖြင့် အကြောင်းကြားနိုင်သည်-  

• ချိုးဖောက်ခံရသည်ဟု သင်အတည်ပြုထားသော မူပိုင်ခွင့်ရှိသည့် လုပ်ငန်း၏ အသိအမှတ်ပြုလက်မှတ်။

• အလွဲသုံးစားလုပ်မှုအတွက် ထင်ရှားစွာ ဖော်ပြထားသော အကြောင်းအရာ နှင့် Abbott မှ ထိုအကြောင်းအရာကို ရှာဖွေနိုင်စေရန် လုံလောက်သော အချက်အလက်များကို ဖော်ထုတ်၍ ဖော်ပြခြင်း။

• အမည်၊ လိပ်စာ၊ တယ်လီဖုန်းနံပါတ် နှင့် သင်၏ အီးမေးလ်လိပ်စာ။

• အငြင်းပွားဖွယ်ရာ ကိစ္စရပ်များသည် ချိုးဖောက်ခံရပြီး ခွင့်ပြုမထားကြောင်း သင်၌ ရိုးသားသော ရည်ရွယ်ချက်ရှိသည်ဟူသော သင်၏ သဘောထားထုတ်ပြန်ချက်။

• အထက်ပါ အချက်အလက်များသည် တိကျမှန်ကန်ကြောင်း နှင့် မမှန်မကန် ရေးသားပြောဆိုပါက ပြစ်ဒဏ် ပေးခံရနိုင်ကြောင်း သိရှိသည်နှင့်အညီ သင်သည် မူပိုင်ခွင့်ပိုင်ရှင် သို့မဟုတ် မူပိုင်ခွင့်ပိုင်ရှင် ကိုယ်စား ဆောင်ရွက်ရန် ခွင့်ပြုချက်ရရှိထားသူ ဖြစ်ကြောင်း သင်၏ ရှင်းလင်းဖော်ပြချက်။

• မူပိုင်ခွင့် ချိုးဖောက်မှုဆိုင်ရာ အတည်ပြုချက်ကို တင်သွင်းရာတွင်၊ မူပိုင်ခွင့်ပိုင်ရှင် (သို့မဟုတ်) မူပိုင်ခွင့်ပိုင်ရှင်၏ ကိုယ်စား မူပိုင်ခွင့်ဆိုင်ရာ ကိစ္စရပ်များကို ဆောင်ရွက်ရန် လုပ်ပိုင်ခွင့် အပ်နှင်းခြင်းခံရသူ၏ အီလက်ထရောနစ် လက်မှတ် သို့မဟုတ် လက်မှတ်မူရင်း။

Abbott မှ တာဝန်ရှိသူအား ဆက်သွယ်ရန်

Pahtama Group ကုမ္ပဏီလီမိတက်
အမှတ် (၃၉ အေ) ဘုရင့်နောင်လမ်း၊ (၂၇) ရပ်ကွက်
ရွှေပင်လုံ အိမ်ရာ၊ မြောက်ဒဂုံ မြို့နယ်
ရန်ကုန်၊ မြန်မာ
အီးမေးလ်လိပ်စာ : abbottnutrition@pahtama.com

Abbott သည် အွန်လိုင်းပေါ်တွင် သင်၏ ကိုယ်ရေးအချက်အလက်ကို ကာကွယ်ရန် ကတိပြုပါသည်။ ကျွန်ုပ်တို့၏ ကိုယ်ရေးအချက်အလက်များ အသုံးပြုမှုသည်
ဤအသုံးပြုမှုဆိုင်ရာ စည်းမျဉ်းစည်းကမ်းချက်များတွင် ကိုးကားထည့်သွင်းထားသော ကျွန်ုပ်တို့၏ ကိုယ်ရေးကိုယ်တာလုံခြုံမှုဆိုင်ရာ မူဝါဒဖြင့် ထိန်းသိမ်းဆောင်ရွက်ပါသည်။ ဤဝက်ဘ်ဆိုက်ကို အသုံးပြုခြင်းဖြင့် သင်သည် ကျွန်ုပ်တို့၏ ကိုယ်ရေးကိုယ်တာ လုံခြုံမှုဆိုင်ရာမူဝါဒ၏ စည်းကမ်းချက်များကို သေချာစွာ ဖတ်ရှု၊ နားလည်ပြီး၊ သဘောတူကြောင်း အတည်ပြုပါသည်။

Abbott သည် ခွင့်ပြုချက်မရှိဘဲ ဝင်ရောက်ကြည့်ရှုခြင်း သို့မဟုတ် ချိုးဖောက်ခြင်းမှ ကာကွယ်ရန် သင့်လျော်သော နည်းပညာပိုင်းဆိုင်ရာနှင့် စီမံခန့်ခွဲရေးဆိုင်ရာ ကာကွယ်မှုများကို အကောင်အထည်ဖော် ဆောင်ရွက်ထားရှိသော်လည်း၊ မည်သည့်စနစ်ကိုမျှ လုံးဝ လုံခြုံကြောင်း အာမခံနိုင်မည် မဟုတ်ပါ။ Abbott သည် သက်ဆိုင်ရာ ဥပဒေအရ လိုအပ်သည့် ကိစ္စများမှအပ၊ ခွင့်ပြုချက်မရှိဘဲ ဝင်ရောက်ကြည့်ရှုခြင်း၊ အချက်အလက်များ ပေါက်ကြားခြင်း သို့မဟုတ် ဝန်ဆောင်မှု ပြတ်တောက်ခြင်းများမှ ဖြစ်ပေါ်လာသော ပျက်စီးဆုံးရှုံးမှု တစ်စုံတစ်ရာ အတွက် တာဝန်ရှိမည်မဟုတ်ပါ။

သင်၏ အကောင့်အထောက်အထားများကို လျှို့ဝှက်ထားရှိရန် နှင့် သင့်အကောင့်အောက်တွင် ဆောင်ရွက်သော လှုပ်ရှားမှုများအားလုံးအတွက် တာဝန်ယူရန်မှာ သင်၏တာဝန်သာဖြစ်ပါသည်။ 

Abbott သည် အန္တရာယ်ဖြစ်စေနိုင်သည်၊ လွဲမှားစေနိုင်သည် သို့မဟုတ် အသိဉာဏပိုင်းဆိုင်ရာ မူပိုင်ခွင့် အခွင့်အရေးများကို ချိုးဖောက်နေသည်ဟု ယူဆနိုင်သော အကြောင်းအရာများ အပါအဝင်၊ သက်ဆိုင်ရာ မြန်မာနိုင်ငံ တည်ဆဲဥပဒေတစ်ရပ်ရပ်ကို ချိုးဖောက်သည့် မည်သည့်အကြောင်းအရာကိုမဆို ဖယ်ရှားရန် သို့မဟုတ်
ဝင်ရောက်ကြည့်ရှုခွင့်ကို ကန့်သတ်ရန် အခွင့်အရေးကို အပြည့်အဝ ရှိမည်ဖြစ်သည်။

Abbott သည် ဤဝက်ဘ်ဆိုက်မှတစ်ဆင့် တင်ထားသော သို့မဟုတ် ဝင်ရောက်ကြည့်ရှုနိုင်သော မည်သည့် အကြောင်းအရာ၊ အချက်အလက် သို့မဟုတ် ထင်မြင်ယူဆမှု၊ ပြည့်စုံမှု သို့မဟုတ် တိကျမှန်ကန်မှုကိုမျှ အာမခံချက်မပေးပါ။ ဤအချက်အလက်များကို အသုံးပြုခြင်းသည် မိမိ၏ ကိုယ်ပိုင်တာဝန်သာ ဖြစ်ပါသည်။

Abbott ဝက်ဘ်ဆိုက်များ၊ ၎င်းတို့၏ အကြောင်းအရာများနှင့် ဆက်စပ်ဝန်ဆောင်မှုများကို ထင်ရှားစွာဖော်ပြထားသော သို့မဟုတ် သွယ်ဝိုက်သော မည်သည့် အာမခံချက်မျိုးမှမပါရှိဘဲ "ရှိရင်းအတိုင်း" နှင့် "ရရှိနိုင်သည့်အတိုင်း" ပေးအပ်ထားပါသည်။ Abbott နှင့် ၎င်း၏ လက်အောက်ခံ ကုမ္ပဏီများ ၊ ဒါရိုက်တာများ၊ ဝန်ထမ်းများ သို့မဟုတ် ကိုယ်စားလှယ်များသည် ထိုကဲ့သို့ ပျက်စီးဆုံးရှုံးမှုများ ဖြစ်နိုင်ခြေရှိသည်ကို အကြံဉာဏ်ပေးထားသည်ဖြစ်စေ၊ မပေးထားသည်ဖြစ်စေ၊ ကိုယ်ရေးကိုယ်တာ ထိခိုက်မှု၊ ဆုံးရှုံးသွားသော အမြတ်အစွန်းများ သို့မဟုတ် ဝန်ဆောင်မှု ပြတ်တောက်မှုများ အပါအဝင် ကန့်သတ်ချက်မရှိသည့် မည်သည့် ပျက်စီးဆုံးရှုံးမှုများအတွက်မျှ တာဝန်ရှိမည်မဟုတ်ပါ။

Abbott ဝက်ဘ်ဆိုက်မှ ထပ်မံထုတ်ပြန်သော တရားဝင် အသိပေးချက်များ၊ တာဝန်ယူမှု ကန့်သတ်ချက်များနှင့် အခြားသော စည်းကမ်းသတ်မှတ်ချက်များသည်
Abbott ဝက်ဘ်ဆိုက်များနှင့် သက်ဆိုင်နိုင်သည်ကို ကျေးဇူးပြု၍ သတိပြုပါ။

သင်သည် ဤအသုံးပြုမှုဆိုင်ရာ စည်းကမ်းချက်များ နှင့် ကိုယ်ရေးကိုယ်တာ လုံခြုံမှုဆိုင်ရာမူဝါဒတို့သည် ဤဝက်ဘ်ဆိုက်နှင့်ပတ်သက်၍ သင်နှင့် Abbott တို့အကြားရှိ သဘောတူညီချက် အပြည့်အစုံပါဝင်ကြောင်း သဘောတူသိရှိပါသည်။ Abbott ဝက်ဘ်ဆိုက်များကို မြန်မာနိုင်ငံ၏ တည်ဆဲဥပဒေများအရ ပြုလုပ်ပြင်ဆင်၍ ဆောင်ရွက်လုပ်ကိုင်ပါသည်။ ဤစည်းကမ်းချက်များ၏ မည်သည့် ပြဋ္ဌာန်းချက်ကိုမဆို တရားမဝင်ကြောင်း သို့မဟုတ် အတည်ပြုရန် မဖြစ်နိုင်ကြောင်း တွေ့ရှိရပါက၊ ကျန်ရှိသော ပြဋ္ဌာန်းချက်များသည် တရားဝင် အကျိုးသက်ရောက်မှုဖြင့် ဆက်လက်တည်ရှိ အတည်ဖြစ်နေမည်ဖြစ်သည်။

Abbott သည် မိမိ၏ ဝက်ဘ်ဆိုက်ပိုင်းဆိုင်ရာ ဆောင်ရွက်မှုများ၊ အချက်အလက် စီမံဆောင်ရွက်မှုများနှင့် အွန်လိုင်းမှ တဆင့် ဆက်သွယ်ဆောင်ရွက်မှုများကို မြန်မာနိုင်ငံ၏  ဆိုက်ဘာလုံခြုံရေးဥပဒေ (Cybersecurity Law 2025)၊ အီလက်ထရောနစ် ဆက်သွယ်ဆောင်ရွက်ရေးဥပဒေ (ပြင်ဆင်ချက်များအပါအဝင်) (Electronic Transactions Law – as amended ) နှင့် စားသုံးသူ ကာကွယ်ရေးဥပဒေ (Consumer Protection Law 2019) တို့နှင့်အညီ လိုက်နာဆောင်ရွက်ပြီး ဖြစ်ပါသည်။ Abbott သည် မြန်မာနိုင်ငံ တည်ဆဲဥပဒေအရ လိုအပ်သော ကိုယ်ရေးအချက်အလက်များ ပြည့်စုံမှန်ကန်ရေး၊ သုံးစွဲသူ၏ သဘောတူညီချက်နှင့် ကွန်ရက်လုံခြုံရေးတို့ကို အာမခံနိုင်ရန်အတွက် လိုအပ်သော စီမံခန့်ခွဲရေးပိုင်းဆိုင်ရာများနှင့် နည်းပညာပိုင်းဆိုင်ရာ အစီအမံများအားလုံးကို ဆောင်ရွက်သွားမည်ဖြစ်သည်။

MMR.2025.68358.ALL. (v1.0)