ទំហំនិងកម្លាំងសាច់ដុំ ឡើងដល់កម្រិតខ្ពស់បំផុតនៅអាយុ 40 ឆ្នាំ¹។

• ក្រោយអាយុ 40 ឆ្នាំ លោកអ្នកអាចបាត់បង់ទំហំសាច់ដុំរហូតដល់ 8% ក្នុងមួយទសវត្សរ៍²។
• ក្រោយអាយុ 70 ឆ្នាំ ទំហំនិងកម្លាំងសាច់ដុំ ចាប់ផ្តើមធ្លាក់ចុះក្នុងអត្រាមួយយ៉ាងឆាប់រហ័ស¹។
• ការពិតជាក់ស្តែងមួយទៀតនោះគឺ ការបាត់បង់កម្លាំងសាច់ដុំកើតឡើងលឿនជាងការបាត់បង់ទំហំសាច់ដុំរហូតដល់ 2 ដង³។
  

តើលោកអ្នកមានការព្រួយបារម្ភមែនទេ? ដល់ពេលដែលត្រូវរកវិធីរក្សាភាពរឹងមាំ និងស្វាហាប់ក្នុងវ័យរបស់លោកអ្នកហើយ។

ចាប់ផ្ដើមរកវិធីការពារសាច់ដុំរបស់លោកអ្នក

ដំណឹងល្អនោះគឺថា ការបាត់បង់ទំហំនិងកម្លាំងសាច់ដុំ គឺអាចជៀសផុតបាន ហើយថែមទាំងអាចស្តារឡើងវិញបាន ជាមួយនឹងយុទ្ធសាស្ត្រទទួលទានអាហារូបត្ថម្ភ និងការធ្វើលំហាត់ប្រាណឱ្យបានត្រឹមត្រូវ។

យ៉ាងណាមិញ នេះហើយគឺជាបញ្ហាប្រឈម។ បើទោះជាយើងមិនគិតពីតួលេខដែលបានលើកឡើងខាងលើក៏ដោយ មនុស្សភាគច្រើនមិនបានចាប់អារម្មណ៍ពីការប្រែប្រួលនៃទំហំ និងកម្លាំងសាច់ដុំនៅដំណាក់កាលដំបូងឡើយ។ ដូច្នេះ តើពេលណាជាពេលវេលាដ៏សមស្រប ដើម្បីចាប់ផ្តើមរកវិធីដោះស្រាយ? តើគួរចាប់ផ្តើមថ្ងៃនេះ? ឬឆ្នាំក្រោយ? ឬប្រហែលជារង់ចាំរហូតដល់ពេលដែលសញ្ញានៃការធ្លាក់ចុះសាច់ដុំបង្ហាញឱ្យឃើញច្បាស់ជាងមុន? ចម្លើយគឺប្រាកដណាស់ - ត្រូវចាប់ផ្ដើមនៅថ្ងៃនេះ!

ទំនាក់ទំនងរវាងសាច់ដុំ និងប្រព័ន្ធភាពស៊ាំ ក្នុងការជះឥទ្ធិពលដល់សុខភាព

លោកអ្នកប្រហែលជាភ្ញាក់ផ្អើលហើយថា ការយកចិត្តទុកដាក់មើលថែសុខភាពសាច់ដុំតាំងពីដើមមក មិនត្រឹមតែអាចជួយរក្សាកម្លាំង និងមុខងារសាច់ដុំប៉ុណ្ណោះទេ ថែមទាំងជួយទ្រទ្រង់ និងពង្រឹងប្រព័ន្ធភាពស៊ាំរបស់លោកអ្នកទៀតផង ដើម្បីបន្តមានជីវិតរស់នៅកាន់តែរឹងមាំ។ 
 
ការពិតនោះគឺថា សាច់ដុំ និងប្រព័ន្ធភាពស៊ាំ មានទំនាក់ទំនងគ្នាទៅវិញទៅមក យ៉ាងស្មុគស្មាញ និងសំខាន់បំផុត។ ឧទាហរណ៍ ការបាត់បង់សាច់ដុំត្រឹមតែ 1០% គឺគ្រប់គ្រាន់ហើយក្នុងការធ្វើឱ្យប្រព័ន្ធភាពស៊ាំចុះខ្សោយយ៉ាងខ្លាំង ក្នុងការប្រឆាំងនឹងមេរោគទូទៅ (បាក់តេរី និងវីរុសដែលបង្កជំងឺ)⁴។ ករណីនេះអាចបណ្តាលឱ្យលោកអ្នកងាយឆ្លងជំងឺ ហើយធ្វើឱ្យការឆ្លងមានរយៈពេលយូរ និងធ្ងន់ធ្ងរជាងមុន⁵។ ការធ្លាក់ខ្លួនឈឺក្នុងអំឡុងពេលមានជំងឺស្រួចស្រាវ ជាមួយនឹងរយៈពេលជាសះស្បើយយូរ នឹងធ្វើឱ្យកម្រិតនៃសកម្មភាពរាងកាយថយចុះ ដែលវារឹតតែរួមចំណែកដល់ការបាត់បង់ម៉ាស់ និងកម្លាំងសាច់ដុំបន្ថែមទៀត⁶។ ការពាក់ព័ន្ធគ្នានេះ ជំរុញឱ្យមានវដ្តនៃការធ្លាក់ចុះទៅវិញទៅមក រវាងការបាត់បង់សាច់ដុំ និងការចុះខ្សោយនៃប្រព័ន្ធភាពស៊ាំ ដែលអាចប៉ះពាល់ដល់គុណភាពនៃជីវិត និងការរស់នៅបានយូរអង្វែង។

ការសិក្សាមួយនៅប្រទេសសិង្ហបុរីបានបង្ហាញថា មនុស្សវ័យចំណាស់ដែលប្រឈមនឹងការថយចុះម៉ាស់សាច់ដុំ អាចមានសមត្ថភាពចុះខ្សោយក្នុងការប្រយុទ្ធប្រឆាំងនឹងការឆ្លងមេរោគ⁷។ “សាច់ដុំរឹងមាំ មានទំនាក់ទំនងទៅនឹងការធ្វើនិយ័តកម្មនៃប្រព័ន្ធភាពស៊ាំ”។ នេះជាការលើកឡើងរបស់ជំនួយការសាស្ត្រាចារ្យ សាំយូអែល ឈូ (Samuel Chew) ដែលជាអ្នកស្រាវជ្រាវចម្បងនៃការសិក្សានេះ។  
 
តាមរយៈការដកស្រង់ទិន្នន័យពីការសិក្សាផ្សេងៗ វេជ្ជបណ្ឌិត ឈូ ក៏បានបន្ថែមទៀតថា សាច់ដុំផលិត និងបញ្ចេញសារធាតុផ្សំ ដែលដើរតួនាទីយ៉ាងសំខាន់ក្នុងការបង្កើត ការធ្វើឱ្យកោសិកាប្រព័ន្ធភាពស៊ាំមួយចំនួនសកម្ម និងការចែកចាយបន្ត។ “សាច់ដុំគឺជាកន្លែងផ្ទុកដ៏សំខាន់សម្រាប់អាស៊ីតអាមីណូ ដែលរាងកាយត្រូវការប្រើប្រាស់ក្នុងអំឡុងពេលរងរបួស ឬឆ្លងមេរោគ។ ដូច្នេះ ការថយចុះម៉ាស់សាច់ដុំ គួបផ្សំជាមួយនឹងការទទួលទានប្រូតេអ៊ីនមិនគ្រប់គ្រាន់ អាចជះផលប៉ះពាល់ដល់ការឆ្លើយតបរបស់រាងកាយទៅនឹងការរងរបួស ឬការឆ្លងមេរោគបាន”⁵។

ផ្តល់អាទិភាពដល់សុខភាពសាច់ដុំ

វេជ្ជបណ្ឌិត ឈូ បានមានប្រសាសន៍ថា ដោយផ្អែកលើភស្តុតាងដែលបង្ហាញពីទំនាក់ទំនងរវាងសាច់ដុំ និងប្រព័ន្ធភាពស៊ាំ ការថែរក្សា ឬការបង្កើនសុខភាពសាច់ដុំ គួរតែជាអាទិភាពចម្បង។ សារធាតុចិញ្ចឹមដែលជួយទ្រទ្រង់ដំណើរការធម្មតានៃប្រព័ន្ធភាពស៊ាំ រួមមាន ស័ង្កសី និងវីតាមីន A C D និង E។ 

វេជ្ជបណ្ឌិត ឈូ ក៏បានណែនាំផងដែរថា ផលិតផលអាហារបំប៉នបន្ថែម អាចជាជំនួយដ៏ល្អសម្រាប់អ្នកដែលមិនអាចទទួលបានសារធាតុចិញ្ចឹមគ្រប់គ្រាន់តាមរយៈរបបអាហារធម្មតា។ ផលិតផលទាំងនេះសម្បូរសារធាតុចិញ្ចឹម និងងាយស្រួលទទួលទាន ដូច្នេះលោកអ្នកអាចទទួលបានសារធាតុចិញ្ចឹមសំខាន់ៗ ដូចជាប្រូតេអ៊ីន និងសារធាតុចិញ្ចឹមដែលទ្រទ្រង់ប្រព័ន្ធភាពស៊ាំ ទោះបីជាមិនសូវមានចំណង់ទទួលទានអាហារក៏ដោយ។ គួបផ្សំជាមួយនឹងការធ្វើលំហាត់ប្រាណបែបប្រើកម្លាំង (resistance exercises) ជាប្រចាំ សុខភាពសាច់ដុំអាចល្អប្រសើរ ទោះបីជាអាយុកាន់តែច្រើនក៏ដោយ។

ការខិតខំប្រឹងប្រែងដើម្បីថែរក្សា ឬបង្កើនម៉ាស និងកម្លាំងសាច់ដុំ អាចនាំមកនូវអត្ថប្រយោជន៍យ៉ាងច្រើនដល់សុខភាព។ មនុស្សជាច្រើនអាចគិតថា តួនាទីសំខាន់របស់សាច់ដុំ គឺមានដែនកំណត់ត្រឹមតែការធានាឱ្យមានថាមពល កម្លាំង និងមុខងារប៉ុណ្ណោះ ជាពិសេសនៅពេលយើងមានអាយុកាន់តែច្រើន។ ប៉ុន្តែ ការស្រាវជ្រាវក៏បានចង្អុលបង្ហាញពីឥទ្ធិពលវិជ្ជមានរបស់វាទៅលើប្រព័ន្ធភាពស៊ាំផងដែរ។

ដូច្នេះ សូមកុំរង់ចាំទៀតអី! ចាប់ផ្តើមជំហានដំបូង ដើម្បីធ្វើឱ្យខ្លួនអ្នកកាន់តែរឹងមាំ ចាប់ពីថ្ងៃនេះតទៅ។ អ្វីដែលលោកអ្នកត្រូវការគឺ ការធ្វើលំហាត់ប្រាណ និងទទួលទានអាហារូបត្ថម្ភដែលត្រឹមត្រូវ! សូមពិនិត្យកម្លាំងសាច់ដុំរបស់លោកអ្នកឥឡូវនេះ នៅគេហទំព័រ Ensure^® Stand 4 Strength!