អង្គការសុខភាពពិភពលោក¹ និងក្រុមប្រឹក្សាលើកកម្ពស់សុខភាព² បានណែនាំឱ្យអ្នកម្តាយបំបៅដោះកូនសម្រាប់រយៈពេល 6 ខែដំបូង។ បន្ទាប់ពីរយៈពេល 6 ខែ អាហារ និងរូបមន្តទឹកដោះគោដែលស័ក្ដិសម អាចត្រូវបានណែនាំឱ្យប្រើប្រាស់ ខណៈពេលដែលការបំបៅដោះកូនបន្តរហូតដល់អាយុ 2 ឆ្នាំ ឬលើសពីនេះ³។  

បញ្ហាក្នុងការបំបៅកូនទូទៅចំពោះកូនតូច 

បីថ្ងៃបានកន្លងផុតទៅចាប់តាំងពីការបំបៅកូនដោយម្សៅទឹកដោះគោលើកដំបូង ហើយអ្នកសង្កេតឃើញថា កូនរបស់អ្នកតែងតែរករឿង និងយំបន្ទាប់ពីទទួលទានរួច។ តើនេះមានន័យថាកូនរបស់អ្នកមានបញ្ហាជាមួយនឹងរូបមន្តទឹកដោះគោដែរឬទេ? 

ការប្រតិកម្មជាមួយរូបមន្តទឹកដោះគោ គឺជារឿងដែលមិនចម្លែកនោះទេក្នុងចំណោមកុមារទើបចេះដើរតេះតះ។ កុមារ 2 នាក់ ក្នុងចំណោម 3 នាក់ ដែលទទួលទានរូបមន្តទឹកដោះគោ ជួបប្រទះបញ្ហាបរិភោគទូទៅ ដូចជាការឈឺពោះចុកចាប់ ហើមពោះ ការរករឿង ការក្អួតចេញទឹកដោះគោ ការទល់លាមក និងជំងឺត្រអក⁴។  

ការប្រតិកម្មនឹងជាតិឡាក់តូសក៏អាចជាមូលហេតុមួយ 

មូលហេតុមួយដែលអាចបង្កឱ្យមានបញ្ហាការបំបៅទាំងនេះគឺដោយសារធាតុផ្សំដែលប្រើក្នុងរូបមន្តទឹកដោះគោ។ ដោយសារប្រព័ន្ធរំលាយអាហាររបស់កុមារនៅតែលូតលាស់មិនទាន់ពេញលេញ ពួកគាត់អាចនឹងពិបាកក្នុងការរំលាយសារធាតុផ្សំមួយចំនួនបានត្រឹមត្រូវ។  

ឧទាហរណ៍មួយគឺជាតិឡាក់តូស ឬជាតិស្ករទឹកដោះគោនៅក្នុងរូបមន្តទឹកដោះគោ។ ការប្រតិកម្មនឹងជាតិឡាក់តូសអាចត្រូវបានកំណត់ថាជាការពិបាករំលាយជាតិឡាក់តូស។ នៅពេលបាក់តេរីនៅក្នុងពោះវៀនធំបំប្លែងជាតិឡាក់តូសដែលមិនបានរំលាយ ឧស្ម័ននឹងត្រូវបានផលិតនៅក្នុងពោះ ហើយអាចបង្កឱ្យមានការមិនស្រួលខ្លួន។  

ស្វែងរកអ្វីដែលងាយស្រួលសម្រាប់ពោះរបស់កូន

ភារកិច្ចមួយដែលពិបាក និងតានតឹងបំផុតសម្រាប់ឪពុកម្តាយថ្មីគឺការថែទាំកូនតូចៗ ជាពិសេសនៅពេលដែលពួកគាត់មិនស្រួលខ្លួន។ ដើម្បីកាត់បន្ថយបញ្ហាប្រតិកម្មនឹងរូបមន្តទឹកដោះគោ ហេតុអ្វីមិនសាកល្បងរូបមន្តដែលងាយស្រួលសម្រាប់ពោះរបស់កូន? ទាំងនេះជាចំណុចដែលត្រូវយកចិត្តទុកដាក់៖ 

1. មានប្រូតេអ៊ីនដែលបានបំបែកជាផ្នែកតូចៗ 

រូបមន្តទឹកដោះគោខ្លះមានផ្ទុកប្រូតេអ៊ីនដែលត្រូវបានបំបែកជាផ្នែកតូចៗ ដែលអាចជួយទ្រទ្រង់ការរំលាយអាហារបានងាយស្រួល។ លើសពីនេះ រូបមន្តដែលមានប្រូតេអ៊ីនបំបែកជាផ្នែកតូចៗក៏សមស្របសម្រាប់កូនដែលមានប្រវត្តិគ្រួសារមានអាលែកហ្ស៊ីផងដែរ⁵។ 
 

2. មានជាតិឡាក់តូសទាប ឬគ្មានជាតិឡាក់តូសតែម្ដង 

សម្រាប់កុមារដែលប្រតិកម្មនឹងជាតិឡាក់តូស ការផ្តល់រូបមន្តដែលមានជាតិឡាក់តូសទាប ឬគ្មានជាតិឡាក់តូស អាចជួយបន្ធូរបន្ថយរោគសញ្ញាដូចជា ហើមពោះ និងលាមកខាប់។ 
 

3. មានសារធាតុប៊្រីបាយអូទិក 

សារធាតុប៊្រីបាយអូទិក ជំរុញការលូតលាស់នៃបាក់តេរីល្អនៅក្នុងប្រព័ន្ធរំលាយអាហារ។ វាអាចជួយទប់ស្កាត់ការលូតលាស់របស់បាក់តេរីដែលបង្កគ្រោះថ្នាក់ និងជួយថែរក្សាបំពង់ពោះវៀនឱ្យមានសុខភាពល្អ។ 
 

4. គ្មានប្រេងដូង 

សូមរកមើលរូបមន្តដែលមិនមានផ្ទុកប្រេងដូង។ ការសិក្សាបានរកឃើញថា កូនដែលទទួលទានរូបមន្តដែលគ្មានប្រេងដូងមានលាមកទន់ និងការស្រូបយកជាតិកាល់ស្យូមបានល្អប្រសើរជាងកុមារដែលត្រូវបានបំបៅដោយរូបមន្តដែលមានផ្ទុកប្រេងដូង^6-7។

ដំណើរឆ្ពោះទៅរកភាពស្រណុកសុខស្រួល 

កុមារដែលមានក្ដីសុខ គឺជាកុមារដែលកំពុងមានអារម្មណ៍ស្រណុកសុខស្រួល និងរីករាយ។ ដើម្បីដឹងថាតើរូបមន្តទឹកដោះគោមួយស័ក្តិសមនឹងកូនរបស់លោកអ្នកដែរឬទេ សូមសង្កេតមើលប្រតិកម្មរបស់កូន។ ក្រៅពីការផ្តល់នូវភាពធូរស្រាល ការជ្រើសរើសរូបមន្តទឹកដោះគោ 

ក៏គួរតែអាចផ្ដល់គ្រប់គ្រាន់នូវតម្រូវការអាហារូបត្ថម្ភរបស់កុមារដែលកំពុងលូតលាស់យ៉ាងឆាប់រហ័សផងដែរ ជាពិសេសគឺតម្រូវការសម្រាប់ខួរក្បាល ភ្នែក និងប្រព័ន្ធភាពស៊ាំ។ 

សូមជឿជាក់លើវិចារណញ្ញាណរបស់ឪពុកម្តាយ។ ទោះបីជាបញ្ហាការបំបៅដោះកូនភាគច្រើនអាចដោះស្រាយបានទៅតាមពេលវេលាក៏ដោយ ក៏នៅពេលដែលមានការសង្ស័យ ត្រូវពិគ្រោះជាមួយគ្រូពេទ្យកុមាររបស់លោកអ្នកជានិច្ច ដើម្បីទទួលបានការវាយតម្លៃត្រឹមត្រូវ និងពិភាក្សាអំពីជម្រើសផ្សេងៗសម្រាប់ការបំបៅដោះកូន។

References:
¹ Exclusive breastfeeding for six months best for babies everywhere. 2011. Retrieved from https://www.who.int/news/item/15-01-2011-exclusive-breastfeeding-for-six-months-best-for-babies-everywhere
² An Eating Guide for Breastfeeding Mothers. 2017. Retrieved from www.hpb.gov.sg/article/an-eating-guide-for-breastfeeding-mothers
³ Exclusive breastfeeding. 2017. Retrieved from www.who.int/nutrition/topics/exclusive_breastfeeding/en/
⁴ Abbott global tolerance survey 12/08, n=5000. (Respondents included Singaporeans). Common feeding tolerance symptoms include gassiness, bloatedness, fussiness (crying), spit-up, constipation, colic and eczema.
⁵ Vandenplas Y, et al. When should we use partially hydrolysed formulae for frequent gastro-intestinal symptoms and allergy prevention? Acta Paediatrica 2014; 103 :689-695.
⁶ John B. Lasekan, et al. Impact of palm olein in infant formulas on stool consistency and frequency: a meta-analysis of randomized clinical trials. Food Nutrition Research 2017; 61(1): 1330104.
⁷ Koo WW, et al. Palm olein in the fat blend of infant formulas: effect on the intestinal absorption of calcium and fat, and bone mineralization. J Am Coll Nutr. 2006; 25:117-122.
This article is written by The New Age Parents and first published on The New Age Parents, “Is My Baby Intolerant To Formula?”.